හරස් විලාසිතා (Cross Dressing)

හරස් විලාසිතා යනුවෙන් සරලව හදුන්වනු ලබන්නෙ කාන්තවක් පිරිමි ඈදුම් ඈදිම හො පිරිමියෙකු කන්තා ඈදුම් ඈදිමයි.

මෙසෙ හරස් විලසිතා කරනු ලබන්නෙ ලින්ගික විපර්යාසයන්ට ලක්වන්නන්ය.

මම මෙහි සදහන් කරන්නෙ පිරිමියෙකු කන්තා ඈදුම් ඈදිම පිලිබ්දවය.

පිරිමියෙකු කරනු ලබන කාන්තා විලසිතා.

Read More

සමලිංගිකතාව ස්වාභාවික ප්‍රවණතාවයකි-Homosexuality is a natural tendency

සමලිංගිකතාවය යනු බටහිරෙන් එන අස්වාභාවික රෝගයක් ලෙස ඉන්දියානු සෞඛ්‍ය ඇමති විසින් සමච්චලයට ලක්කර ඇත. අපේ විමර්ශනවලින් පෙනෙන්නේ එය එසේ නොවන බවයි. 

සමලිංගිකතාවය යනු ස්වාභාවික ප්‍රවණතාවක් වන අතර එය කිසිසේත්ම රෝගයක් හෝ අස්වාභාවික දෙයක් නොවේ. 

සමහර ගැහැනුන් හා මිනිසුන් සමලිංගිකයින් වන්නේ ඇයි දැයි යන්න අද දක්වා මනෝවද්‍යාවෙන් විසඳා නොමැති පැණයකි. වෘත්තීමය වශයෙන් න්‍යෂ්ටික විද්‍යාඥයෙක් වුවද මා විනෝදාංශයක් ලෙසින් කරන මෝහන චිකිත්සාව සහ පුනරුත්පත්තිය සහ එහි ප්‍රතිවිපාක පිළිබඳ විද්‍යාත්මක ක්‍රමය මෙම ප්‍රශ්ණය තරමක් දුරට පැහැදිලි කරගත හැක. 

අතීතයේ දී මේ ගැන සාකච්ඡා කිරීම ජුගුප්සාජනක දෙයක් ලෙස සැලකුනමුත් සමලිංගිකතාවය සෑම සමාජයකම රහසේ පැවත ඇත. අද සමාජයේ නම් සමලංගිකතාවය ප්‍රසිද්ධියේ සාකච්ඡා කළ හැකි විෂයයක් වී ඇති අතර එහි ප්‍රතිඵලක් ලෙස සමලිංගික උද්ගෝෂකයින් තම මානව අයිතිවාසිකම් ඉල්ලීමට පටන් ගෙන ඇත. 

සමහර කාන්තාවන් ඔවුන් ගර්භනී කාලයේ දී සමහර කෑම වර්ග එක්කෝ අතිශයින් ප්‍රිය කිරීමට හෝ නැත්නම් අතිශයින් පිළිකුල් කිරීමට පටන්ගන්නා අතර ඔවුන් ගේ එවැනි අවශ්‍යතා සපුරා දීමට සියළු දෙනාම සාමාන්‍යයෙන් පෙළඹෙති. දැන් අප දන්නා පරිදි මේ ආහාර පිළිබඳ සුවිශේෂී රුචිය හෝ අරුචිය ඇතිවන්නේ කාන්තාවගේ කුසයේ සිටිනා දරුවාගේ පෙර ආත්මයේ තිබු කැමැත්ත හෝ අකමැත්ත අනුවය. 

උදාහරණයක් ලෙස සාමාන්‍යයෙන් මස් සහ මාළු සමග තම ආහාර ගැනීමට පුරුදු වී සිටි එක්තරා කාන්තාවක් ගර්භණී අවධියේ දී එළවළු පමණක් කෑමට ගන්නට පටන්ගත් අතර, දරු ප්‍රසූතියෙන් පසු ඇය නැවත සුපුරුදු මස් සහ මාළු සහිත ආහාර ගැණීමට පටන් ගත්තාය. දරුවා වැඩුනේ උපතින්ම ශාක භක්‍ෂකයෙකු ලෙසිනි. දරුවා පෙර ආත්මයේ දැඩි ශාකභක්‍ෂකයෙකු වී සිට ඇති බව පසුව සොයාගන්නා ලදී. 

මේ ආකාරයට, යම් පුද්ගලයෙක් මිය ගොස් නැවත උපත ලබන විට ඔහුට හෝ ඇයට පෙර ආත්මයේ තිබුණු ජීවන ආශාවන් වත්මන් ජීවිතයට ගෙනෙන බව පෙනේ. ඔහු හෝ ඇය එම ආශාවන් උපත ලැබීමෙන් පසු සපුරා ගැනීමට උත්සාහ කරනවා පමණක් නොව ඔහුගේ හෝ ඇයගේ අනාගත මව ලවා ද ඒ ආශාවන් සපුරා ගැනීමට බලපෑම් කරන බව පෙනේ. 

මේ ආකාරයටම, යම් පුද්ගලයෙක් මියගොස් නැවත ඉපදෙන විට ඔහු හෝ ඇය විසින් තමන් ගේ ලංගික ආශාවන්ද මේ ජීවිතයට ගෙනැවිත් නැවත උපදින්නා ගේ සිතෙහි තැන්පත් කරනු ලබයි. එවැනි ආශාවන් උපවිඥානයෙහි පතුලේ සැඟවී තිබෙන අතර, දරුවා වැඩී ලිංගික වශයෙන් සංවේදී වන කාලයේදී සිත මතුපිටට පැමිණේ. සමලිංගිකතාවය ඇතිවන්නේ හොඳින් ලිංගිකව ක්‍රියාශීලි පුද්ගලයෙකු මියගොස් නැවත උපත ලබන විට ස්ත්‍රී පුරුෂ බව වෙනස් වී ඉපදුණු විටය. 

පිරිමියෙක් මියගොස් නැවත මිනිස් ලෝකයේ ඉපදුනු විට ඒ ඉපදීම පිරිමියෙකු ලෙස හෝ කාන්තාවක ලෙස හෝ සිදුවිය හැකිය. ඒ ආකාරයෙන්ම කාන්තාවක් මියගොස් නැවත මිනිස් ලෝකයේ ඉපදුනු විට ඒ ඉපදීම කාන්තාවක් ලෙස හෝ පිමියෙක් ලෙස හෝ සිදුවිය හැකිය. 

පිරිමියෙකු නැවතත් පිරිමියෙකු ලෙස උපත ලද විට, වත්මන් සිරුරේ ලිංගිකත්වය නිසා ඇතිවෙන ලිංගික ආශාවන් පිරිමි ලිංගික ආශාවන් වන අතර, තම සිත ඇතුලේ ඇති පෙර ආත්මයෙන් ගෙනා ලිංගික ආශාවන්ද එලෙසම පිරිමි ලිංගික ආශාවන් නිසා ඒවා එකිනෙක පෑහී සවි ගැන්වේ. එවිට ඔහුට දැඩි පුරුෂ අවශ්‍යතා සහිත පෞරුෂත්වයක් හිමිවේ. එවැනි පිරිමියෙකු හා විවාහ වන කාන්තාවක ඉතා වාසනාවන්ත අයෙකු වන අතර ඇයට සම්පුරණයෙන් ම තෘප්තිමත්වූ අපිස් විවාහ ජීවිතයක් ලැබෙනු ඇත. 

කාන්තාවක් නැවතත් කාන්තාවක් ලෙසින්ම ඉපදුනහොත් ඒ අවස්ථාවද මෙයට සමාන වන අතර ඇයට කාන්තා ආශාවන් සහ ස්ත්‍රීත්යෙන් පිරි පෞරුෂත්වයක් හිමිවෙනු ඇත. එවැනි කාන්තාවක් හා විවාහවන පිරිමියෙකු ඉතා වාසනාවන්ත අයෙකු වන අතර ඔහුට සම්පුරණයෙන් ම තෘප්තිමත්වූ අපිස් විවාහ ජීවිතයක් ලැබෙනු ඇත. 

පිරිමි සහ කාන්තාවන් බහුතරය අයත් වන්නේ ඉහත දැක්වූ දෙවර්ගයටය. 

උපතේ දී ලිංගික වෙනස්කමක් ඇතිවන පුද්ගලයන් ඉතා සුළු ප්‍රතිශතයක් ඇත. එවැනි අවස්ථාවන් හි දී පිරිමියෙකුගේ පිරිමිබවද, කාන්තාවක ගේ ස්ත්‍රීබවද නිසි පරිදි වර්ධනය නොවේ. 

පිරිමියෙකු මියගොස් කාන්තාවක ලෙස උපත ලැබුවොත් ඇගේ සිරුරේ ඇති කාන්තා ආශාවන් සහ ඇගේ සිත පතුලේ ඇති පිරිමි ආශාවන් එකිනෙක ගැටේ. සාමාන්‍යයෙන් මේ ප්‍රතිවිරුද්ධ ආශාවන් සම්පුර්ණයෙන්ම හෝ අඩ වශයෙන් එකිනෙක උදාසීන කර දමයි. මේ ජීවිතයේ කාන්තා ආශාවන් අඩ වශයෙන් උදාසීන වුවහොත් ඇයට හිමිවනුයේ දුර්වල කාන්තා ආශාවන් වන අතර ඇගේ ස්ත්‍රීත්වය සහ ලංගික ආශාවන් දුරවල වී අයට පිරිමින් පිළිබඳව වැඩි උනන්දුවක් ඇති නොවේ. නමුත් සමාජ පීඩනය නිසා ඇය විවාහ දිවියට පත්වීමට ඉඩ තිබේ. 

එවැනි කාන්තාවක් හා විවාහ වන පිරිමියෙකු එතරම් වාසනාවන්තයෙකු නොවන අතර ඔහුට තෘප්තිමත් අපිස් විවාහ ජීවිතයක් නොලැබෙනු ඇත. 

මෙවැනි කාන්තාවක ගේ ප්‍රතිවිරුද්ධ ආශාවන් එකිනෙක මුලුමනින්ම පාහේ උදාසීන වී ගියහොත් ඒ කාන්තාවට කාමයේ හැසිරීම හෝ විවාහය උවමනා නොවන මුත් බලකිරීම් උඩ අවාසනාවන්ත පිරිමියෙකු හා ඇය විවාහ වීමටද ඉඩ තිබේ. උපවිඥානයේ රැඳී තිබෙන පිරිමි ආශාවන් ඉස්මතු වුවහොත් ඇයට පිරිමි භූමිකාවක් රඟපෑමට අවශ්‍යවනු ඇත. ඇගේ කැමැත්ත අනෙකුත් කාන්තාවන් වෙත ඇදී යන අතර ඇය සමලිංගිකත්වය කරා යොමුවනු ඇත. 

කාන්තාවක් මිය ගොස් පිරිමියෙකු ලෙස උපත ලැබූ විට ද ඇතිවන්නේ මෙවැනිම දෙයකි. නව පිරිමි ජීවිතය එක්කෝ දුර්වල පිරිමි ආශාවන් සහිත වීම හෝ පිරිමි ආශාවන් රහිත වීම හෝ පෙර ආත්මයෙන් ගෙනෙ කාන්තා ආශාවන් ඉස්මතුවීම හෝ සිදුවී ඔහු සමලිංගිකතාවය කරා යොමුවෙනු ඇත. 

මේ අනුව පෙනී යන්නේ සමලිංගිකතාවය යනු ස්වභාවික මිනිස් ප්‍රවනතාවයක් මෙන්ම එය ඉතරලිංගිකතාවය (heterosexuality) තරම්ම ස්වාභාවික වුවක් බවයි. 

වරක් කුඩා පැල්පතක දුප්පත් ජීවිතයක් ගත කළ අවුරුදු විසි පහක පියකරු තරුණියක් සහ ඇගේ මව මා හමුවීමට ආවෝය. ඔවුන් ගේ ප්‍රශ්ණය වූයේ මේ තරුණිය සමලිංගික වූ අතර ඇය ඇගේ මව තමාගේ සහකාරිය ලෙස බලෙන් යොදාගැනීමයි. ඔවුන් පරීක්‍ෂා කළ මා සොයා ගත්තේ මේ කාන්තාව ඉහත ආත්මයේ දී ලංකාවේ ප්‍රධාන රෝහලක පිරිමි දොස්තරවරයෙක් වී සිට ඇති අතර ඇගේ මව ඔහුගේ නිවසේ මෙහෙකාරිය සහ අනියම් බිරිඳ වී සිට ඇති බවයි. කාන්තාවක් ලෙස නැවත ඉපිදී ඇත්තේ ලිංගික වෙනස්කමක් ලබා වුවත් ඇගේ මව එලෙස වෙනස් කමක් ලබා නැත. 

මට කොළඹ දී නිරූපිකාවක් ලෙස කටයුතු කළ තරුණ කාන්තාවක් හුවූ අතර ඇය විවාහ වී වසර දෙකක් ගත වී තිබුණි. මේ කාලයේදී මා සමලිංගිකතාවය යන සංසිද්ධිය සහ නැවත උප්පත්තියේදී ලිංග මාරුව පිලිබඳව පරීක්‍ෂණ පවත්වමින් සිටි අතර එනිසා ඇය තමන්ගේ වත්මන් ජීවිතයේ සහ පෙර ආත්මයේ පුද්ගලික තොරතුරු මට හෙලි කළාය. 

ඇය විවාහ වී වසර දෙකක් ගතවී තිබුණද, ඇය තම ස්වාමිපුරුෂයා සමග හෝ වෙනත් අයෙකු සමග කිසිදු ලිංගික සම්බන්ධයක් සිදු කර තිබුනේ නැත. ඇගේ පෙර ආත්මයේ ඇය පිරිමියෙකුව සිට ඇති අතර ඔහු සහ වයස දාහතේ සිට එකට සිටි ඔහුගේ පෙම්වතිය ලිංගික වශයෙන් ඉතා ක්‍රියාකාරීව සිට ඇත. ඇගේ වත්මන් ස්වාමිපුරුෂයා පසුගිය ආත්මයේ කාන්තාවකි. පසුගිය ආත්මයේ ඔවුන් ඉතා කිට්ටු මිතුරන් ව සිට ඇත. ඔහුද නැවත ඉපදීමේදී ලිංගිකව වෙනස් වී ඇති නිසා වත්මනෙහි ලිංගික අවශ්‍යතා නොමැත. නමුත් ඔවුන් දෙදෙනාගේ ඉහත ආත්මයේ තිබූ මිතුරුකම නිසා ඔවුන් විවාහ වී, ලිංගික සම්බන්ධයක් නොමැතිවද ඉතා සාමකාමීව , සමගියෙන් ජීවත්වෙති. 

දකුණේ පාසලක සිටි අවුරුදූ පහළොවක සිසුවියක් වෙනත් සිදසුවියක් සමග සමලිංගික සබඳතාවයක් ඇතිකර ගැනීමට උත්සාහ කළාය. මෙය දුටු ගුරුවරියක් සිසුවියට ඉතා තදින් තරවටු කළාය. මෙම තරවටුවෙන් සිසුවිය කෙතරම් බිය වූයේ ද යත් එහි ප්‍රතිඵලයක් ලෙස ඇය වහාම ගොළු බවට පත්වූවාය. ඇගේ ගොළුබව ගැන සන්ත්‍රස්ත වූ දෙමව්පියෝ මගෙන් උපදෙස් විමසූහ. 

මා සොයාගත් ආකාරයට ඇය පෙර ආත්මයේ දකුණු ඉන්දියාවේ ගොළු තරුණයෙක් ලෙස වාසය කර ඇති අතර වයස අවුරුදු දා හතේ දී මිය ගොස් ඇත. ඒ දකුණු ඉන්දියානු ආත්මයට පෙර ආත්මයේ ඇය උතුරු ඉන්දියාවේ බොධිගයාව අසල මාර්ගයේ පලතුරු විකුණූ අකුරු නොදන්නා පිරිමි ළමයෙකි. නැවත උපතේදී සිදුවූ ලිංග මාරුව ඇයට සමලිංගිකතා ප්‍රවණතාවය ගෙන දී ඇති අතර ගුරුවරියගේ තරවටුව ගැණ ඇතිවුණු දැඩිබිය ඇයව ආරක්‍ෂක පියවරක් ලෙස පෙර ආත්මයේ ගොළුබව කරා යොමු කර ඇත. මෝහනයෙන් නිදිගන්වා ඇගේ ගොළු බව නිවරද කරන ලදී. 

වයස අවුරුදු දහනවයක තරුණියක් ඇගේ සිරුර වෙනත් තරුණියක් ලඟින් සිටිනා විට ඉතා ප්‍රාණවත් වන බවත්, එහෙත් තරුණයින් කෙරේ ඇගේ කිසිදු සංවේදීතාවයක් නැති බවත් මට පැවසුවාය. ඇය නැවත ඉපදීමේදී ලිංග මාරුවක ලක් වූ අයෙකි. මෝහනයෙන් නිදි ගන්වා ඇයව ඉතරලිංගිකතාවයට පත් කරන ලද අතර ඉන් පසු ඇය පෙම්වතෙක් සොයා ගත්තාය. 

වයස විසි අටක පිරිමියෙකුට තරුණියන් කෙරෙහි කිසිදු සංවේදීතාවයක් නොතිබුණු අතර තරුණයින් කෙරෙහි ඉතා සංවේදීතාවයක් තිබුණි. ඔහුව මෝහනයෙන් නැවත ඉතරලිංගිකතාවයට පත් කරන්නට නොහැකිවිය. 

මේ කරුණු අනුව සමලිංගිකයින් අස්වාභාවික රොගීන් ලෙස නම් කර ඔවුන් ට නොයෙකුත් වෙනස්කම් කිරීම නොමිනිස් කමක් බව කිව හැක. 

- ග්‍රැන්විල් ධර්මවර්ධන

Read More

ඒ ගැහැණියක් ... නැහැ නැහැ පිරිමියෙක් (Its Woman No No Man)

ඒ ගැහැණියක් ... නැහැ නැහැ පිරිමියෙක් 

වෙන්න බැහැ අර අර ...
පිස්සුද නැහැ ඒ ගැහැණියක් ,,
ඔයා කොහෙද අනේ දන්නේ ආන් අර
ඔව් ඒ ඉන්නේ ගැහැණියක් ,,,
එතකොට අර .. ඒ ඉන්නෙත් ගැහැණියක් 
ඔව් මයි ගැහැණියක් තමයි ..
ඈ එතකොට අරයත් ගැහැණියක්...
මෙයත් ගැහැණියක් ඔව් ඔව් 
ඔව් ඔයා හරි දෙන්නම ගැහැණු .
ඈ නෑ ඒ දෙන්නම පිරිමි ...
හෑ.. ඔව්මයි නැහැ අනේ පිස්සුද...
පිස්සු නෙමේ අන්න අන්න දැක්කද 
හුටා ඔව්මයි...ඉදගෙන

Read More

පිරිමිකමට සමු දුන් නැට්ටුක්කාරී(male to female chines dancer)

ය නැට්ටුක්කාරියකි. නිකම්ම නැට්ටුක්කාරියක් නොවේ. මුළු චීනයම රසවත් කළ මුද්‍රා නාට්‍ය ශිල්පිනියකි. එහෙත් ඇය මුලින්ම පිරිමියකු බව කීවොත් කවුරුත් පුදුම වේවි.
ජින් ක්ෂින් නම් වූ 27 හැවිරිදි හමුදා කර්නල්වරයා යුද හමුදාවේ සිටියදී ද දක්ෂ නැටුම් ශිල්පියකු විය. ඔහුගේ දක්ෂ නැටුම්වලින් යුද හමුදාව පමණක් නොව මහජනතාව පවා ප්‍රසංගවලදී කුල්මත් වූහ.
ඔහුට ලිංග විපර්යාසයකින් කාන්තාවක වන්නට අවශ්‍ය වූයේ වයස අවුරුදු 27 දීය. ඒ අනුව ඇය චීනයේ රෝහලකට ඇතුළු වුණේ චීන හිරු අවුරුදු මංගල්‍යය කිට්ටුව දීය. හදිසියේම ඔහුගේ පියා රෝහල් කාමරයට ඇතුළු විය. ඔහු ද හමුදා නිලධාරියෙකි.
මේ මොකද, මොකක්ද ඔයාට වුණේ” කියා ඇසීය. ඒ ගැන ජින් ම පවසන්නේ මෙවැන්නකි. “තාත්තා මගේ ඇඳ වටා කැරකුණා. මං කෙළින්ම කිව්ව මට කිසි අසනීපයක් නැහැ. මං ආවෙ ලිංග විපර්යාස සැත්කමකටයි. හෙටයි සැත්කම කියල. තාත්තා නළලෙ අත තියාගත්තා.”
“මං දන්නව ඕක වෙයි කියල උඹ ඉතින් ගෑනි වගෙනෙ හිටියේ. උඹ වැරැදිලයි පිරිමියකු වෙලා ඉපදිලා තියෙන්නෙ.”
ල ිංග විපර්යාසයකට පත්වූ පසු ඇය ජින් ක්ෂින් චීනයේ ඉහළ පෙළේ මුද්‍රා නාට්‍ය ශිල්පිනියක් වූවාය.
“ඇය ලෝකයේ මං දැකල තියෙන හොඳම ඉහළ ගණයේ නිළියක්” ඇගේ රඟපෑම් දුටු බටහිර තානාපති නිලධාරියෙක් වරක් කීවේය.
එහෙත් තාමත් චීන ජාතිකයන් ඇය දෙස බලන්නේ චකිතයෙනි. මේ වන විට වයස අවුරුදු 43 ක් වන ඇය චීනයේ නිදහස් නැටුම් ශිල්පිනියකි.

ජින් ක්ෂින් හා ඇගේ සැමියා හා ඇගේ හදාගත් දරුවන් තිදෙනා සමග

ඇය තමන් වෘත්තිමය වශයෙන් පිළිගැනීමට ලක්කර ගැනීමට දිගු සටනක් ගෙන ගියාය. දැඩි කැපවීමකින් ගෙන ගිය ඒ සටන ඇගේ පෞද්ගලික සටනක් පමණක් නොවීය. එය චීන සමාජයේ දේශපාලන වශයෙන් බැඳී සිටින තත්ත්වයන් සමඟ ගෙන ගිය එකක් විය. එහෙත් චීනයේ කලාව හා සංස්කෘතිය උදෙසා ඇය ඒ සටන දිනුවේ බොහෝ බටහිර රටවල් බලාපොරොත්තු වූවාටත් වඩා සුබදායක ලෙසිනි.
අද ඇය සිය රටේ ප්‍රධාන පෙළේ නාට්‍ය ශිල්පිනියකි. විවාහකය. හදාගත් දරුවන් තිදෙනකුගේ මවකි. ඇය සිය කතාව මාධ්‍යයට පැවසුවේ බෙයිජිං නගරයේ තේපැන් සලක වාඩි වී ඉතා සැහැල්ලුවෙනි. සිය දිගු කෙස් වැටිය අතින් පස්සට දමමින් ඇය සිනාසෙමින් සිය කතාව කියද්දී ඇගේ හදාගත් දරුවෝ අසලට වී සෙල්ලම් කරමින් සිටියහ.
වයස අවුරුදු හතේදී ඔහුගේ වැඩිමල් සොයුරිය මෙන් ම නැටුම් පිළිබඳ චිත්‍රපටියක් නරඹමින් සිටි ඔහු සිය දෙමවුපියන්ගෙන් මුද්‍රා නාට්‍ය ඇඳුම් කට්ටලයක් ඉල්ලා සිටියේය. ක්‍රම ක්‍රමයෙන් තරුණ වියට පත් ඔහු මහජන විමුක්ති හමුදාවට බැඳුණේය. ඒ 1970 දශකයේ මහජන විමුක්ති හමුදාව රඟපෑමට ආශා කළ නාට්‍ය ශිල්පියෙකුට හොඳ තෝතැන්නක් වූ බැවිනි. එහෙත් හමුදා පුහුණුව ඔහුගේ හැකියාව හෝ ගමනාන්තය නොවීය.
හමුදා පුහුණුවේ දී සිය ඇඟිලිවලින් බෝම්බයක් ගිලිහී යද්දි ඉහළ හමුදා නිලධාරියකුගෙන් ඔහුට පහරකෑමට සිදුවිය. එහෙත් නිලධාරියාගේ පහර අභියෝගයට ලක් කරමින් ඔහු සිය රඟපෑම් දිගටම කරගෙන ගියේය. එහිදී නාට්‍ය ශිෂ්‍යත්වයක් දිනු ඔහුට පිටරට යාමට අවස්ථාව සැලසිණි. 1987 සිට 1991 දී ඔහු ජීවත්වූයේ නිව්යෝර්ක් නගරයේ ය. එහිදී ඇමෙරිකන් ගොපළු කොල්ලකු සමඟ සමීප මිත්‍ර සබඳතාවක් පැවැත්වීය. එහෙත් ටික කලකින් නිව්යෝර්ක් නගරයට ආයුබෝවන් කී ඔහු නැටුම් ශිල්පය තවදුරටත් හැදෑරීම පිණිස රෝමයට ගියේය. එහිදී නැටුම් ඉගෙන ගත්තා පමණක් නොව උගන්වන්නට ද පටන්ගත් ඔහු යළිත් චීනයට පැමිණියේය.
ඔහුට සිය ලිංගික විපර්යාසය පිළිබඳ අදහස ආවේ මේ අවස්ථාවේදීය.
කාන්තාවක වන්නට තීරණය කළ ඔහු අනතුරුව රූපලාවන්‍ය පිළිබඳ ශල්‍ය වෛද්‍යවරියක වන යැංග් පෙයියිංග් මුණ ගැසෙන්නට ගියේය.
මෙය චීනයේ ප්‍රථම ලිංග විපර්යාස සැත්කම විය හැකි බව සිතූ විශේෂඥ ශල්‍ය වෛද්‍ය යැංග් සිය සහායකයන් සමඟ ඊට අවශ්‍ය මනෝ චිකිත්සක පසුබිම සකස් කරන්නට පටන්ගත්තාය. කාන්තාවක වන්නට නම් සිරුරෙන් පමණක් නොව මනසින් ද එසේ විය යුතුය.
“මා ඇගේ පරීක්ෂණවලට කැමති වුණා. දැන් ඒ ශල්‍ය වෛද්‍යවරිය විශ්‍රාම අරගෙන. ඇය කීවේ මෙය ඓතිහාසික අවස්ථාවක් කියා.”
ජින් නිව්ස්වීක් සඟරාවට පැවසුවාය. මුලින් චීන බලධාරිහු ඇයගේ සැත්කමට ඉඩ දුන්න ද ඇය ප්‍රසිද්ධ වීමෙන් වැළැක්වූහ.
“විදේශීය නැටුම් ශිල්පීන් මා ගැන විමසු විට ඔවුන් කීයේ ඇය මෙහෙ නැහැ. දැන් අපට ඇය සොයාගන්නට බැහැ. සමහරවිට ඇය යුරෝපයේ ඇති” යනුවෙනුයි. කෙසේ වෙතත් නාට්‍ය ශිල්පිනියක වශයෙන් ඇය රජයේ පිළිගැනීම ලැබුවේ 2006 දීය.
“පසුගිය වසරේ සිට චීන රජය මා සංස්කෘතික නායිකාවක වශයෙන් පිළිගෙන රජයේ අරමුදල් ලබා ගැනීම සඳහා ඉල්ලුම් කරන ලෙස මට දැනුම් දුන්නා.” එහෙත් රජයේ අරමුදල් ලබාගැනීමට ඇය අකමැති වූවාය. ඒ එයින් ඇගේ කලා නිදහසට බාධාවක් වෙතැයි සිතාය. විශාල වශයෙන් පිළිගැනීමක් ඇති කලා කණ්ඩායම් ඇති රටක ඒවා තවමත් බොහෝ විට පාලනය වන්නේ රජය මඟිනි. ඇය කළේ සිය පෞද්ගලික ධනයෙන් පාලනය වන නැටුම් සමාගමක් ආරම්භ කිරීමය. “ජින් ක්ෂින් නැටුම් රංග ශාලාව“ යනුවෙන් ඇරැඹි ඇගේ රංග පාසල සඳහා ඇය සතුව තිබු ෂැංහයිහි මන්දිරය විකුණන්නට ද සිදුවිය. ඇය එමඟින් ස්වාධීන නැටුම් උත්සවයක් ද පැවැත්වුවාය.
“මං රජයට කියා හිටියා මං හිඟන්නියක් නොවන බව“ අනතුරුව ෂැංහයි සිට බෙයිජිං කරා ආ ඇය ඇගේ ප්‍රථම දරුවා හදාගන්නට ගත්තාය. දැනට දස හැවිරිදි වියේ පසුවන ඔහු ලියෝ ය. ලියෝ දැන් සිය මවට උදව් කරයි. ඊළඟට ඇය හදාගන්නට ගත් විවියන් හා ජුලියන් මේ වන විට පිළිවෙළින් 8 හා 7 හැවිරිදිය.
“දරුවන් ඉක්මනින්ම මා වටා රොක් වුණා. දශකයක් ඇතුළත අප පවුලක් වශයෙන් හැදුණා. මා තනිකඩ මවක් ලෙස ජීවිතයට මුහුණ දුන්නා.” ඇය කියන්නීය. එහෙත් ඇගේ තනිකඩ බව 2004 දී අවසන්කරන්නට සිදුවූයේ හදිසියේමය.
දිනක් ගුවන් ගමනකදී ඇය තමා ළඟට ඇවිත් සිටි ජර්මන් ව්‍යාපාරිකයකු වූ හාන්ස් ගර්ඩ් ඔයිඩ්ට්වාන් සමඟ කතාවට වැටුණාය.
දැන් ඔහු ඇගේ සැමියාය. මුලින් ඔහුට තමා පිළිබඳව යථාර්ථය හඳුන්වා දෙන්නට ඇයට උවමනා විය. ඔහු සමඟ ගත කරන්නට යොදාගත් මුල් දිනයේම ඇය ගියේ ඇගේ කුඩාම දරුවා සමඟය. ඔයිඩ්ට්වාන් මුලින්ම තරමක් තැති ගැනුණ ද ඇය සමඟ ටික වේලාවක් ගත කිරීමෙන් පසු ඇයට වඩාත් ළංවිය.
“මට ජින් ක්ෂින් ඕනැ යැයි ඇයට කියන්නට ඕනැ කළා” ඔහු නිව්ස්වීක් සඟරාවට ප්‍රකාශ කළේය.
දැන් ජින් හා ඇගේ නැටුම් සමාගම ක්‍රියාත්මක වෙයි. පසුගිය වසර අවසානයේ ඇය නිව්යෝර්ක් නගරය කරා ගියේ තමාගේ නැටුම් පුහුණුව පටන්ගත්තේ එතැනින් නිසාය.
එහෙත් ඇගේ ක්‍රියාකාරිත්වය මිත්‍ර කොමියුනිස්ට් රජය සමඟ තරමකට ගැටෙන්නට විය. චීන රජය කියා සිටියේ හමුදා කර්නල් වරයකුට ලිංග විපර්යාස සැත්කමක් කරගැනීමට තමන් ඉඩ දුන් බැවින් රජයේ මතයන්ට අවනත විය යුතු බවය. එහෙත් තමා රජයේ රූකඩයක් නොවන බව ඇය කියන්නීය.
එහෙත් ඇය දැන් නිදහස්. නැටුම් ශිල්පිනියක වශයෙන් චීන මුද්‍රා නාට්‍ය ලොව නව මාවතකට ගෙනයන්නට කැපවී සිටින්නීය. ඇය වටා ඇගේ දරුවන් මෙන්ම චීන දරු දැරියන් විශාල වශයෙන් රොක් වී සිටින්නේ ඇගෙන් නැටුම් ශිල්පය හදාරන්නටය. ඇගේ රූපවාහිනි වැඩසටහන් චීනයේ ජනපි‍්‍රයය. ඇය දැන් චීනයේ අංක එකේ නාට්‍ය ශිල්පිනියයි. අන්තර්ජාතික වශයෙන්ද ඇයට ඇති පිළිගැනීම අතිමහත්ය.
“මටම අවංක වෙන්නයි මට ඕනෑ. මං ලිංගික විපර්යාසයක් කළත් මගේ මනස වෙනස් වුණේ නැහැ. සිතුම් පැතුම් වෙනස් වුණේ නැහැ. මට කවදාහරි ඕනැ නිදහසේ කතා කරන්නයි” ඇය කියන්නීය.
නිව්ස්වීක් සඟරාවෙනි
දයා ඩී. ෆොන්සේකා

Copy Rights - Silumina

Read More

Matrix සහෝදරයාගේ ලිංග විපර්යාසය(male to female Matrix brother)

Matrix සිනමා පටය කියන්නේ හොලිවුඩ් සිනමා ලෝකය තුළ ඉමහත් පෙරළියක් සිදු කළ අපුර්ව සිනමා පටයක්.යල් පැන ගිය සිනමා ක්‍රම වේදයන් පසෙකලා ඒ වන තෙක් ලොව පුරා ප්‍රේක්ෂකයින් නොදුටු විශේෂ ප්‍රයෝග හා දෘශ්‍ය ප්‍රයෝග රැසකින් සමන්විත ඉතාමත් ආකර්ශණීය විද්‍යා ප්‍රබන්ධ/ක්‍රියාදාම චිත්‍රපටයක් ලෙස Matrix ප්‍රේක්ෂක හදවත් අමන්දානන්දයට පත් කළා.හැබැයි අපි දැන් කතා කරන්න හදන්නේ මේ Matrix චිත්‍රපටය ගැන නම් නෙවෙයි.මේ චිත්‍රපට මාලාව ලොවට දයාද කළ Andy Wachowski හා Larry Wachowski සහෝදරයන් ගැන.උප්පත්තියෙන්ම පිරිමියෙක් වු Larry Wachowski ගැන අමුතුම තාලයේ පුවතක් පසුගිය දා මාධ්‍ය තුළින් අපට අසන්නට ලැබුණා.

ඇමරිකාවේ පැවති මාධ්‍ය හමුවකදී  Larry Wachowski තමා ලිංග වෙනසකට භාජනය වූ පුද්ගලයෙක් බව ලොව හමුවේ කියා සිටියා. පිරිමියෙකු වූ තමා ලිංග විපර්යාසයකට කාලයක සිට ලක්වෙමින් තිබුණු බවත් අවසානයේ කාන්තාවක් බවට තමන්ගේ ලිංගිකත්වය ශල්‍ය කර්මයකින් සිදු කරගත් බවත්, තමාගේ දැන් නම  Lana Wachowski බවත් ඇ ප්‍රකාශ කර සිටියා. එම වෙනස වසර 2008 දී තමන්ගේ ස්පීඩ් රේසර් නම් චිත්‍රපටය තිරගත වූ කාලය අතරේ සිදු කරගත් බව කියා සිටි ඇය තමන් තරුණ ජීවිත කාලය තුළ මේ විපර්යාසයට මුහුණ දිය නොහැකි මානසිකත්වය හේතුවෙන් වරක් සිය දිවි නසා ගැනීමට සිතූ බවත් හෙළි කළා.

උපුටා ගැනිම  අන්තර්ජාලය

Read More

රාගය විමසන සොරෙය්‍ය වත.(Trasgender Story sinhala)

කල්හි ඔහුට අත්වන ශාන්තියක් විමසන්නට සොරොය්‍ය තෙරුන්ගේ කතාව අපූර්ව දහම් පණිවුඩයක් අපට ගෙන එයි

සැවැත් නුවර සමීපයෙහි සොරෙය්‍ය නම් නගරයෙහි සොරෙය්‍ය නම් සිටුවරයෙක් වෙසෙයි. විවාපත් බිරියට වාසනාවන්ත දරු දෙදෙනෙකු ද ලැබීය. පියෙකු වූ සිටුවරයා බිරියට ද දරුවන්ට ද තම යුතුකම් නොපරිහෙළා ඉටුකලේය. ගේ දොර අවශ්‍යතා ද නිතර නිතර සොයා බලා වහා ඉටු කර කෑම බීම ද ඇඳුම් පැළඳුම් ද සොයා සොයා ගෙනැවිත් දෙමින් අඹුදරුවන් රැක්කේය.

දිනක් යහළු පිරිවර සමග සිටුවරයා නාන්නට ගංඟාවක් වෙතට යාමට කල්පනා කර අවශ්‍ය දෑ සූදානම් කොට ඒ සඳහා පිටත් වූයේය. ගංගාව ආසන්නයට ළං වෙද්දී ගඟෙහි ස්නානය කරමින් සිටි කච්චායන තෙරුණුවෝ ස්නානය අවසන්ව ගොඩට පැමිණ පිඩු සිඟා වඩින්නට සිවුරු පොරවමින් සිටියහ. කච්චායන තෙරුන් වනාහි එකල මහතෙරුන් අතුරෙහි සිටි රූමත් ම තෙරුන් වහන්සේ ය. එබැවින් උන්වහන්සේට බැබළෙන රන්වන් සිරුරක් පැවතුණි. උන්වහන්සේ චීවරය සකසා පොරවමින් සිටිය දී සොරෙය්‍ය සිටුවරයා උන්වහන්සේගේ රූමත් සිරුර වහා දැක්කේය. එවිට ඔහුට එක්වරම සිතිවිලි දෙකක් පහළ වුණි. පළමු සිතිවිල්ල වනුයේ අනේ මේ රන්වන් සිරුක් ඇති කච්චායන තෙරුණුවන් මගේ භාර්යාව බවට පත්වන්නේ නම් කෙතරම් අගනේ ද යන්නයි. දෙවැනි සිතිවිල්ල වූයේ මගේ භාර්යාව මේ වැනි රන්වන් ශරීර වර්ණයෙන් යුතු වූවා නම් කෙතරම් අගනේද යන්නයි.

මේ සිතිවිල්ල රාග සිතිවිල්ලකි. එය උමතු රාග සිතිවිල්ලකි.උමතු රාගය මිනිස් අගපසඟ වෙනසකට ලක් කරන්නට සමත් වන අයුරු පෙන්වමින් සොරෙය්‍ය සිටුවරයා වහාම ලිංග විපර්යාසයකට බඳුන් විය. ඔහුගේ පුරුෂ බව අතුරුදන්ව ස්ත්‍රියක බවට පරිවර්තනය විය. ඒ බව දුටු ඔහු අතිශයින්ම ලජ්ජාවට පත්ව සියලු යහළු පිරිවර හැර දමා ඔවුනට නොදැනෙන්නට පලා ගියේය. පලා ගිය ඇය තක්සලා නුවරට යන මගට අවතීර්ණ විය. එහිදී වෙළෙඳ කණ්ඩායමක් හමු වන අතර ඒ පසු පස ගමන් කරන්නට වූවාය.

නාන්නට පැමිණි පිරිවර යහළුවන් තම මිත්‍රයා නොදැන දිය නා ආපසු ගෙදරට ගිය අතර සිටුවරයා නොදැක මළැයි සිතා ඥාතින් සමඟ එක්ව පාංශුකූල දී දන් පහන් පිරිනමා පින් පැමිණවිය.

තක්සලා නුවරට යන ඇය එහි සිටුපුත්‍රයා සමඟ විවාහ වන අතර මේ විවාහයේ ප්‍රතිඵලයක් ලෙස දරුවන් දෙදෙනෙකු ද බිහි කළාය.මෙය ලෝකයේ සිදුවූ සුවිශේෂී මිනිස් විෂමතාවකි. කිසි විටෙකත් මනඞකල්පිතයක් නොවේ. නූතනයේ ලිංග විපර්යාසයට අදාළ නිදසුන් නිතර නිතර ලොව පුරා හමුවේ. සොරෙය්‍ය මුහුණ දෙන්නේ ඒ විෂමතා දහමටයි. රාගය කෙතරම් බියකරු ද යන්න මේ සිදුවීම අපට පෙන්වා දෙයි. පියෙකු ලෙස දෙදරුවන් ලද ඔහු මවක ලෙස ද දෙදරුවන් ලබා ලොව සංකීර්ණම චරිතයක් බවට පත් වූයේය.

එක් දිනක් ඇය තම මැදුරේ උඩුමහලේ කවුළුවකින් පාර දෙස බලා සිටියදී අතීතයේ තමා සමඟ දිය නාන්නට ගංඟාවට ගිය තමන්ගේ සමීප මිත්‍රයා පහත මාර්ගයක යනු දැක හැඳින දාසියක් යවා ඔහු තමා මැදුරට ගෙන්වා අවශ්‍ය සත්කාර සම්භාවනාදිය නොඅඩුව සම්පාදනය කළාය.

එවිට එම මිත්‍රයා අසන්නේ තමාට මෙසේ සංග්‍රහ කරන්නේ කවර කරුණක් නිසාද? මීට පෙර තමා හඳුනනවාද? යනාදි වශයෙන් ප්‍රශ්න රාශියක්ම ඔහු ඇසීය. එවිට ඇය කියා සිටියේ මිත්‍රය ඔබ මම හොඳින් හඳුනමි. ඔබ සොරෙය්‍ය නුවර වැසියෙකු නෙවේද? එසේය සොඳුර යැයි පිළිතුරු දුන් විට ඈ මිත්‍රයාගෙන් තමා ගෙදර තොරතුරු සියල්ල නොවලහා කියා සිටියේය. අනතුරුව ඇය සොරොය්‍ය සිටුවරයා පිළිබඳ ඇසූ විට ඔහු මිය ගොස් බොහෝ කලක් ගත වී ඇති බව කියා සිටියේය.

එවිට ඇය ඒ සිටුපුත්‍රයා තමා බව හඳුන්වා දුන්නාය. විස්මයට පත් මිත්‍රයා ඇයගෙන් තවදුරටත් තොරතුරු විචාළේය. එවිට එම අතීත සිදුවීම මුල සිට අග දක්වා ඇය කියා පෑවාය. දැන් තමාට නැවැත පිරිමියෙකු වී සොරෙය්‍ය නගරට යා යුතු බවත් ඒ සඳහා කච්චායන මහ රහතන් වහන්සේ හමු වී පාපොච්චාරණයක් කොට සමාව ගත යුතු බවත් ඇය මිත්‍රයාට කියා සිටියා. එබැවින් කච්චායන රහතන් වහන්සේ තම නිවසට දානය සඳහා වඩමවා දෙන්නැයි ඈ බැගෑපත්ව ඉල්ලා සිටියාය.

ඇයට සිදුව ඇති ඇබැද්දිය තේරුම් ගත් මිත්‍රයා කච්චායන තෙරුන් හමුව එම නිවසේ පසුදින දානයට වඩින්නට ආරාධනා කළේය. උන්වහන්සේ ද ආරාධනාව පිළිගෙන පසුදින ඇගේ නිවසට වැඩම කළ සේක. ඇය උන්වහන්සේ වඩා හිඳුවා ප්‍රණීත ආහාරයෙන් වළඳවා උන්වහන්සේ වෙතින් සමාව භජනය කළාය. තෙරුන් වහන්සේට සිදුවූ සියල්ල පාපොච්චාරණය කළාය. තෙරුන් වහන්සේ තමන් හේතුකොට ගෙන හටගත් රාගසිතිවලට සමාව ප්‍රදානය කළහ. එවිට ඇය නැවත වරක් පිරිමියෙකු බවට පත් විය.

දැන් ඔහුට පූර්ණ අකුසල කර්මයෙන් එකම බවයෙක චරිත තුනක් ලෙස හැසිරෙන්නට සිදුවිය. පියෙකු ලෙස මවක ලෙස හා නැවත පියෙකු ලෙසය. එය මෙනෙහි කළ ඔහු සංසාර කිසිදා මෙවැනි විප්‍රකාරයට පත් නොවන්නට ප්‍රාර්ථනා කරමින් කච්චායන තෙරුන් වෙතින් පැවිදි වීමට ආයාචනා කළේය. දරුවන් සිප වැළඳ පියාට භාර දුන් ඔහු තෙරුන් වහන්සේ ළඟ ප්‍රවුජ්‍යාව ලබා සොරෙය්‍ය තෙරුන් වහන්සේ ලෙසින් ප්‍රසිද්ධ විය.

මේ තොරතුරු ඇසූ බොහෝ දෙනා උන්වහන්සේ වෙත පැමිණ ජීවිත ගණනක සංකීර්ණත්වය විමසන්නට වූහ. ඒ අතර බොහෝ දෙන අසා සිටියේ පියෙකු ලෙස ලද දරුවන් දෙදෙනා හා මවක ලෙස ලද දරුවන් අතරින් වඩා සෙනෙහවන්ත තම දරුවන් දෙදෙනාටද කියාය. සොරෙය්‍ය තෙරුන් වහන්සේ කියා සිටියේ තමන්ගේ කුසෙහි උපන් දරු දෙදෙනාට වඩා සෙනෙහෙබර බවයි.

බොහෝ දෙනා ඇසූ ප්‍රශ්නයට මෙසේ පිළිතුරු දුන් උන්වහන්සේ කල් යාමේදී කිසිවෙකුට හෝ සෙනෙහෙවන්ත නැතැයි කියා සිටියේය. ජනයා බුදුරදුන් හමුවූ සොරෙය්‍ය තෙරුන් බොරු කියති’යි පැමිණිලි කළහ. එවිට බුදුරදුන් වදාළේ ඔහු මාර්ග ඤාණ උපදවා ගත් වේලෙහි සිට කිසිවකු කෙරෙහි ස්නේහයක් බැඳීමක් නොමැති බවයි.

සිත දූෂිත වූ කල්හි මනුෂ්‍ය වර්ගයාට අත්වන බිහිසුණු ඉරණමත්, ඒ සිත මනා ලෙස පිහිටුවා සකසා ගත් කල්හි ඔහුට අත්වන ශාන්තියක් විමසන්නට සොරොය්‍ය තෙරුන්ගේ කථාව අපූර්ව දහම් පණිවුඩයක් අපට ගෙන එයි.

උපුටා ගැනිම  බුදු සරණ පුවත්පත

ශ්‍රී බුද්ධ වර්ෂ 2555 ක් වූ බක් පුර පසළොස්වක පොහෝ දින රාජ්‍ය වර්ෂ 2012 ක් වූ අපේ‍්‍රල් 06 වනදා සිකුරාදා 

Read More

වස්තුහාමි ගේ කතාව.(Transwoman Story - wasthuhami)

පුංචි සන්දියේ පටන්ම අපි දන්න කියන අපේ ගමේ එකෙක් වෙච්චි වස්තු හාමිට අයියා කියන්නද? අක්කා කියන්නද? කියලා මට තවමත් හිතාගන්න අමාරුයි. ඒත් මුලදී නම් අපි කාටත් ඌ වස්තු හාමි අයියා.

වස්තු හාමි අපිට වඩා වෙනස් චරිතයක් බව අපි පොඩි එවුං කාලේ ඉඳන්ම දැනං උන්නා. එකට උන්නු කොලු රැළ ගිනි මද්දහනේ පන්දු කෙළිද්දී වස්තුහාමි අයියා ගස් හෙවණකට වෙලා ඉඳගෙන උන්නා . කොලු කමට හොර පොල් කඩන්න අපි වත්තකට පනින්න සැලසුම් කරද්දී වස්තුහාමි අයියා ගිහින් වැඩිහිටියෙකුට ඒ ගැන ගතු කේලම් කීවා . වංගියක් ඌ තනියම හීන් හඬින් කවි කීවා. තවත් වංගියක බැද්දෙ ගිහිං මල් කැඩුවා .ගමේ කොල්ලෝ ඉඩ ලැබුණු හෑම වෙලාවකම වස්තුහාමි අයියට කොලොප්පම් කළා .

“අඩා වස්තුහාමි උඹ කුස්සියේ වැදිලා තලප හැඳිගාපං. උඹ කෙල්ලෙක් නේ අඩා” 

අපි කොයිතරම් ඌට කොලොප්පම් කළත් ඌ නෙවෙයි අපි එක්ක හීනියට වත් අමනාප වුණේ . වලං මැට්ට පෑගෙද්දී තව තව පදම් වෙනවා වගේ ඌත් අපි එක්ක තව තවත් රැහේ වැටුණා. කොයිතරම් රැහේ වැටුණත් ඌ අපි එක්ක වැවේ නාගන්ඩ වත්, පොරේ වැටෙන්නවත් කිසිම දාක ආවේ නැති විත්තිය මට හොඳට මතකයි. 

අපේ ගං තුලානේ වැඩිහිටියෝ, පොඩි එවුං අතරේ මහ පුදුම බැඳීමක් තිබුණා .ගමේ කාටත් තව කෙනෙක් එක්ක අමනාප වෙලා වැඩි දවසක් ඉන්න අමාරුයි. වැඩිහිටියන්ගේ ඒ ගතිය පොඩි එවුන් වෙච්ච අපිටත් හොඳාකාරවම පිහිටලා තිබුණේ කොටි පැට්ටුන්ට දඩයමේ යන්ඩ උගන්නන්ඩ ඕනෙ නැතුවා වගේමයි.

අපි වස්තුහාමි අයියට කොයිතරම් කොලොප්පම් කළත් ඌව කොන් කරලා තියන්න කිසිම අදහසක් අපිට තිබුණේ නෑ . ඌ කොයි වෙලෙත් තනිවෙලා කාලෙ ගෙවන්න හැදුවත් අපි ඌව අමතක කරලා දාලා නිකම්ම උන්නෙත් නෑ . ඌව අපේ ගානට ගන්න අපිත් පුළුවන් තරම් වලිකෑවා .

“වස්තු අයියා මොකක් බං උඹේ ඔය හැටි සෝමාරි කම ? වරෙංකො බං අපි එක්ක සෙල්ලං කරන්ට” 

අපි එහෙම කියද්දි වස්තු හාමි අයියා ඉඳන් මෙහෙම කියනවා 

“මට බැරුං ඔය උඹලා වගේ වැල්ලෙ නටන්ටයි තුවාල කරටන්ටයි .” 

වස්තු හාමි අයියා අපිත් එක්ක ඉන්න වෙලාවට කල සමහර විගඩම් නිසා අපිට පුදුම හිතුණ වාර නම් එමට තිබුණා . 

ගමේ එකටම උන්නු අපේ යාළු මිත්තරයෝ සමාගමට මුත්‍රා බරක් දැනුණාම ඒ බර හෑල්ලු කරගන්න තැන නොතැන බැලීමක් තිබුණේ නෑ . ගහකට , ගලකට හෝ බිච්චියකට ඒ බර නිදහස් කරලා අපි සාමාන්‍ය විදිහට උන්නත් වස්තුහාමි අයියා එහෙම කළේ නෑ . ඌට මුත්‍රා බරක් දැනුණාම ඌ බැද්දේ ඈතටම ගිහින් ඒ බර හෑල්ලු කරගෙන ආවා .

“අඩෝ වස්තු උඹේ අහවල් එක රත්තරන්ද බං ? ඔච්චර හැංඟිලා හුජ්ජ කොරන්න යන්නේ”

කට කැඩිච්චි කොල්ලෙක් එහෙම කියාපු දාට වස්තුහාමි අයියත් නිකම්ම උන්නේ නෑ 

“උඹලට ලැජ්ජ නැතුවට මං මුනා කරන්න ?” 

වස්තුහාමි කල ඔය වගේ වැඩ නිසා කොලු රැළ ඌව නිතරම කොලොප්පමට ගත්තා ඒත් උගේ අමුතු වැඩ නෙවේ යන්තමට වත් අඩු වුණේ . රොමියෙල් අප්පු මාමලාගේ ගෙදරදී ඌ කරපු තවත් වැඩක් ඒ බවට සාක්කි.

රජේ රස්සාවක් කරවුව රොමියෙල් අප්පු මාමා එක දවසක් උගේ ගෙදෙට්ට පරණ ඩෙක් දණ්ඩකුයි දොඹ සයිස් පීකර දෙකකුයි ගෙනවා. එදා ඉඳන් හැමදාකම හැන්දෑ වරුවේදී ගමේ කොල්ලෝ වැඩිහිටියෝ සෑහෙන ගණනක් එහේට එකතු වෙලා චිත්තරපටි බැලුවා. ඒ හැම චිත්තරපටියක්ම බොහෝම පරණ සිංහල ඒවා. ඒ චිත්තරපටි වැඩිහිටියන්ට අල්ලලා ගියාට අපිට නම් පුදුම විදිහට අප්පිරියා වෙලයි තිබුණේ.

රොමියෙල් අප්පු දෙමහල්ලෝ රස්සාවට යන හන්දා උදේ වරුවේ නම් උන්දැගේ ගෙදර කවුරුවත් හිටියේ නෑ .ඉතින් වංගියක් අපි රොමියෙල් මාමගේ ලොකු පුතා බන්දුට කන්නලවු කරලා කරලා මයෙ තැපැල් හැඳුනුම්පත ඇපේට තියලා ටවුමෙන් ගෙන්න ගත්තු චීන හටන් තියෙන ඩෙක් පීස් එකක් බලන්න කතා වුණා.

පහුවදා ඉස්කෝලේ යනවා කියලා ගෙදරින් පිටත් වෙලා පොඩි දුරක් ගියපු අපි ආපහු හැරිලා කැලෑ පාරකින් රොමියෙල් මාමලෑ ගෙදෙට්ට රිංඟුවා . රොමියෙල් මාමගේ පුතන්ඩියා හදා දුන්නු තේ කහට උගුර ගානේ බොන ගමන් අපි උපන් තේකට නොදුටු චීන හටන් තිබිච්චි චිත්තරපටිය බලන්න ගත්තේ හිතේ කොනක හැංඟුන පුංචි බයකුත් එක්කයි . “මොකෙක් හරි අපිව දැකෝතින් නම් අපි කපෝතියි” කාගෙ කාගෙත් හිත් වලට එහෙම දැනෙන්න ඇති . ඒත් චීන හටන් බලන්න තිබුණ ආශාව හන්දම අපි කවුරුත් ඉස්කෝලේ ඇඳුම් පිටින්ම ටීවී එක වටේ වට වෙලා කටවල් වලින් ඒ දිහා බලන් උන්නා . 

මොහොතකින් හටන ඇරඹුණා .ඩෙක් පීස් එකේ උන්න චීන නළුවා උගේ පෙම්වතිය බේරගන්ට තවත් චීන්නු හැට හැත්තෑවක් එක්ක හරි හරියට පොරේ !. තේ කෝප්ප අත් වල තියාගත්තු අපිත් ඉහළ ඇද්ද හුස්ම පහළට නොගෙන අත් මිටි මොළවාගෙන ගැහෙන හදින් ඒ දිහා බලාන උන්නේ ගුඩු කරපු පොල් ගෙඩි වගේ . ඒත් සටන අවසාන මොහොතට ලං වුණාම අපි කවුරුත් බලාපොරොත්තු නොවුන දෙයක් සිද්ධ වුණා.

අගුළු දා වහලා ගෙදර දොරට කවුදෝ දුන්නු බර පා පහරක් හන්දා ඒ දොර කොන්ඩිපට්ටම් වලින් ගැලවිලා බාගෙට විවර වුණා . 

බාගෙට ගැලවුණු දොරින් ගේ ඇතුළට පැන්නේ රොමියෙල් අප්පු මාමා !.
උගේ මූණ අලවු යකාගේ මූනටත් වඩා බියකරුයි , ඇස් දෙක ගොරකා යකාගේ ඇස් දෙකටත් වැඩියෙන් රතුවෙලා .

“උඹලා ඉස්කෝලේ යනවා කියලා මුනා මේ මේ බලන්නේ ?”

“අනේ මාමා අපි මේ චීන් හටන් තියන පී. . ස් එකක් බලන්ඩ . . “

රොමියෙල් මාමට වග උත්තර බඳින්න අපි උත්සහ කරන අතරේ අපේම කරුමේ එතනදිත් හරහට හිටියා. 

චීන්නු රොත්තටම හතර අතට නෙලලා දිග්විජය කල චීන නළුවා උගේ පෙම්වතියව බඩට වඩාගෙන තොල්පටි වලින් මහ අසික්කිත හාදුවක් දුන්නා ඒ හාද්ද දැක්ක රොමියෙල් අප්පුහාමි මාමට මරුවා නැංඟා !

“හත්තිලවුවේ ! අර වස්තුහාමි පුතා කීව කතාව ඇත්ත උඹලා මේ ගේ ඇතුළට වෙලා අසික්කිත චිත්තරපටි බලවුවා නේද ? දැං කෝමද යකුනේ මම ගමේ උන්ට මූණ දෙන්නේ මේ අටමගලේ තමා මෙවුවට මුල .” 

එහෙම කියවුව රොමියෙල් මාමා ඩෙක් පෙට්ටිය දෑත බදලා උස්සලා පොළවේ ගැහුවා .උතුර දකුණ මාරු වෙච්ච අපිත් ඔළුව හැරුණ අත දුවලා කැලේක හැංඟුණා . 

පහුවදා උදේ ගෙවල් වලින් හම්බ වුණ ගුටි පූජාව නිසා ඇදුම්කන අත පය වල පොල් තෙල් උලා කියාගෙන අපිත් ඉස්කෝලෙ යන්න පිටත් වුණා .වීරයෝ වගේ අඩිය තිබ්බත් අපේ හිත් වල තිබුණේ මහා ලොකු ලැජ්ජාවක්.එක හාදුවක් නිසා අපි බලාපු චීන හටන් චිත්තරපටිය අසභ්‍ය බවට රොමියෙල් අප්පු මාමාගේ ප්‍රධානත්වයෙන් යුත් ඒක පුද්ගල රැඟුම් පාලක මණ්ඩලය තීන්දු කරලා තිබුණා .

අපි අසභ්‍ය චිත්තරපටියක් බලා ඇති බව ගං තුලානේ හෑම අස්සක් මුල්ලක් නෑරම පැතිරිලා තිබුණා. ඒ කාලේ හැටියට සහ අපි උන්නු වටපිටාවේ හැටියට අපි කරලා තිබුණේ සමාව දෙන්න බැරි තරමේ මහා ලොකු වරදක් ! . ගමේ එවුංවොන්ගේ කටවල් වලින්ම කියනවා නම් අමු කුපාඩි කමක් ! .

“ඕකුං ඔවුවා බලලා තව මොනවා කරනවාද දන්නෑ ? කෙල්ලෙක් වත් ඕකුංට පෙන්න නාන තොටේ තියනවා නෙවෙයි !” 

සුමනාවතී උපාසක අම්මා මම ඉස්සරහ පිටම උඩහ ගෙදර ධනපාල මාමා එක්ක කියද්දි මගෙ සකල සරීරෙම හිරි වැටිලා ගියා .

“වස්තුහාමියා අපිව කෑවා !!” හැමෝගෙම කටවල් පල්ලෙන් බේරුණේ ඔය වචනේ විතරයි

අන්තිමේදී මේ සිදුවීමට මුහුණ දුන්නු අපි හැමෝම තිරණයක් ගත්තා. මේ හැම දේටම මුල් වෙච්ච කේලම් කාරයා වෙච්ච වස්තුහාමිට අමතක නොවෙන පාඩමක් උගන්වන්න ඕනෙ කියලා කොයි කවුරුත් කතා වුණා.

එදා හැන්දෑවේ කුණු ඇල පිටිපස්සේ තිච්චි කැටකෑල ගහේ වස්තුහාමි අයියව කොහු ලණුවකින් බැඳ දාලා තිබුණා. රංජිත් සහ බන්දු උගේ කටට කොහොඹ කොළ ඔබද්දී සිරිමෙවන් සහ පැට්ටා උගෙ ඇඟට දිමි ගෝට කඩලා දැම්මා .

“සත්තයි ආයේ එහෙම කරන්නේ නැතෝ ! මට යන්න දියංකොයි .!” වස්තුහාමි අයියා අඬන්න තියාගත්තා.

කඳුළු පෙරමින් අඬන වස්තුහාමි අයියා දැක්කම මොහොතකින් අපි කොයි කාටත් දුක හිතුණා . මොනා වුණත් මූ අපේ එකෙක් . අපි හනි හනිකට උගේ බැමි ලිහලා දිමි කාපු තැන් වලට මෙන්ටේරියා කොළ තළලා තියලා ඌව ගෙදර ගෙනිහින් දැම්මා .එදයින් පස්සේ මම දන්න තරමින් අපේ කාණ්ඩෙ කිසිම එකෙක් වස්තුහාමි එක්ක වැඩි ඇයි හොඳයියට ගියේ නෑ. ඌට කොලොප්පම් කළේ වත් ඌ ගැන හෙවුවේ බැලුවේ වත් නෑ . කෙටියෙන්ම කීවොත් ඌ කොන් වුණා . 

ගමේ කොල්ලෝ වස්තුහාමිව කොන් කරද්දී ගමේ කෙළි පැට්ක්කියෝ ටික වස්තුහාමි වටේ වට වුණේ ඇයිද කියන්න මම තවම දන්නේ නෑ . ඉස්කෝලේ ගියත් දහම් පාසලට ගියත් වස්තුහාමි හිටියේ කෙල්ලො එක්ක විතරමයි . ඌ අපිත් එක්ක ඉඳිද්දී මූණේ නොතිබිච්ච අමුතු හිනාවක් කෙල්ලො එක්ක ඉන්නකොට උගේ මූණේ ඇඳිලා තියන හැටි කොයි කවුරුත් දකින්න ඇති .

“එවුන්ට හොඳ නම් අපේ මොකෝ ?” අපිත් කරබාගෙන උන්නා ! 

කාලෙ ගතවෙද්දි බාල කාලේ හිමිදිරිය ගෙවමින් උන්නු අපේ ජීවිතත් මද්දහනෙට ලං වුණා . ඇඟ පත, කර දඬු උස් මහත් වෙද්දී පැට්ටු වගේ උන්නු අපිත් හාල් දන්ඩෝ වුණා . හරි හැටි ඉගෙන ගත්ත එවුන් විස්ස විද්‍යාලෙට පද්දන අතරේ යන්තම් බේරිච්චි එවුන් පුංචි පහේ රස්සා කරන්නත් , යලටත් නැති මහටත් නැති එවුන් විතරක් ගමේ පාරවල් කඩ පිල් වලත් ඉතිරි වුණා . වස්තු හාමි අයිය නම් අයිති වුණේ විස්ස විද්‍යාලෙට. කෙල්ලො එක්ක පාඩම් කල හන්දත් අපි වගේ සෙල්ලමට මුල් තැන නොදී පොතට කාලේ වෙන්කළ හින්දත් ඌ විස්ස විද්‍යාලෙට තේරිච්ච එක අපි කාටත් අරුමයක් වුණේ නෑ . 

දවසක් දා අතින් කටින් බඩු මුට්ටු කරපින්නාගෙන වස්තුහාමි අයියා ගමෙන් පිටත් වෙලා නගරේ බෝඩිං වෙන්න යන්න පිටත් වුණා . ඌට අපිව දාලා යන්ඩ දුකක් තිබුණේ නෑ . ඌ යන්න කලින් දවසේ ගමේ කෙල්ලෝ හැමෝටම ඌ යන විත්තිය කියලා තිබුණත් අපිව නම් බලන්නවත් ආවේ නෑ . අපිටත් ඌ ගැන වගේ වගක් තිවුණේ නෑ !. 

නගරේ විස්ස විද්‍යාලෙට තේරුණු වස්තු හාමි අයියා කීප වංගියක් ගමටත් පැද්දුවා. ඒත් වැඩි දොහක් ගමේ රැඳෙන් නැතුං ඌ ආයෙත් නගරෙටම පරන්දු වුණා.ඌ ආයෙ ගමේ ආවෙම නෑ. කාලේ ගෙවෙද්දී කාට කාටත් ඌව අමතක වෙලා ගියා . ඔය විදිහට අවුරුදු ගාණක් ගෙවුණා . 

වංගියක් ටවුමේ පොළට ගියපු මම අතින් කටින් බඩුත් එල්ලගෙන බස් එකක් එනකල් බස් නවත්තන නුග ගහ පල්ලේ ඉඳගෙන පාර බලං උන්නා . පාර දිහා බලාන හිටපු මම කවුදෝ කතා කරන හඬකින් ආපහු හැරිලා බැලුවා .මගෙ පිටිපස්සේ උන්නේ මම ජීවිතේට දැකලා නැති ගෑනු පරාණයක් . අරුමෝසම් බඩු අතේ කරේ පුරෝගෙන හිටි උන්දෑ අඩි උස උල් සපත්තු දෙකක් දාලා ඕනෑවට වඩා තොල් රතු කරගෙන උන්නා . ඇඟේ දැවටුණු සාරිය ඉස්තරම් එකක් වගේම කනේ එල්ලං උන්නු කඩුක්කන් දෙකත් වටිනා එවුවා බව මම එක බැල්මකින්ම තේරුම් ගත්තා .

සල්ලි කාර නෝන කෙනෙක් ! මම හිතෙන් මිමිනුවා 

“මල්ලිට මාව අඳුනන්න පුළුවන්ද ?”

“බෑ මිසී කවුද ?”

“මල්ලියේ මම පොඩි කාලේ උඹලත් එක්ක හිටි වස්තු”

මට මගේ ඇස් අදහා ගන්ට බැරි වුණා මගෙ ඉහෙන් කණින් දාඩිය බේරෙන්න වුණා. ඇත්තටම ඒ උන්නේ වස්තු හාමි. 

ඔහෙපලයං. .! ඌ ගෑනියෙක් වෙලා . කලින් නමට විතරක් ගෑනියෙක් වෙච්චි ඌ මොන දහංගැටයක් දාලා හරි හැබෑවටම ගෑනියෙක් වෙලා. උරහිස ළඟට යනතුරු කඩා හැලෙන කොණ්ඩේත්. කන් දෙක පල්ලෙන් එල්ලෙන කඩුක්කන් දෙකත්, ළඟින් හමන කොලොන් සැරත්, ඇඟ වැහිලා තිබුණු සාරියත්, පමණට වඩා ලොකු පියයුරු දෙකත් අමතක කළානම් ඌ පරණ වස්තුහාමිම තමා. 

නගරෙට ගිය වස්තුහාමි හාමිනේ වෙලා ඕං ඔහොම ගමට ආවා. උන්දෑ විස්ස විද්‍යාලේ ගිහින් ගමට ගෙනාපු උපාධියක් නම් නෑ. ඒ වෙනුවට ගමේ කිසිදාක නොතිබ්බ විගඩමක් වෙච්චි ගෑනු සැලුන් එකක් පටන් අරං ගෑනුන්ගේ කොණ්ඩෙ, ඇහිබැම් හැඩ කරන්න පටන්ගත්තා. ගමේ කෙලිච්චියෝ ටික වස්තුහාමි වටේ හනිකට එකතු වෙච්ච හන්දා උගේ සැලුන් එක ජයටම නැගලා ගියා . හැබැයි ඒ නැගලා ගිය වේගෙන්ම බැහැලා ගියා.මුලදී කෙල්ලෝ ඒ සැලුන් එකට යන්න ගත්තත් ගෙවල් වලින් උන්ට දඬුවම් කල හන්දා ටිකෙන් ටික වස්තුහාම්ගේ සැලුන් එක පාළුවට ගියා . 

රටට ලෝකෙට වැඩි අරුමයක් නොවුන ඔය ලිංග විපර්‍යාසය කියන දේ අපේ මේ වැවුගම්පත්තුවට නම් අරුමයක්ම වුණා. ඉතින් අලුත් වස්තු හාමිනේව පිළිගන්න ගමේ කිසි කෙනෙක් සූදානම් වුණේ නෑ. ගමේ කවුරුත් වස්තු හාමිනේට බය වුණා ඉතින් උන්දෑ සැලුන් එක වහලා දාලා ආයෙත් නගරෙටම පරන්දු වුණා. 

වස්තු හාමිනේ දැන් නම් කොයි ලෝකේ ඉන්නවද කියන්න මම නම් දන්නෙ නෑ .ඒත් මම හිතෙනවා මම මැරෙන්න කලියෙන් ආයෙමත් වංගියක් ඌව දැකගන්න හැකි වේවි කියලා . කාට කොහොම වුණත් මට නම් ඌ තවම අපේ එදා උන්නු වස්තුහාමි අයියාම තමා . 

නම මනංකල්පිතයි . 

කෘතීම රසකාරක කිසිත් නොදා ඇති කතාව ඇත්තයි .! 

සිත්තම නිරෝෂන් කරුණාතිලක

රැජින පත්තරේට ලියවුව කතාවක්.

Read More